គោលបំណង​ ចក្ខុវិស័យ  បេសកកម្ម និងការដឹកនាំ

ចក្ខុវិស័យ            

មជ្ឈមណ្ឌលស្រាវជ្រាវដើម្បីឧត្តមភាព និងនវានុវត្តន៍ (Angkor University Research Center for Excellence and Innovation) នឹងបង្កើតបរិយាកាសគាំទ្រដល់ការស្រាវជ្រាវ និងនវានុវត្តន៍របស់អ្នកស្រាវជ្រាវ សាស្រ្តាចារ្យ និងនិស្សិតនៃសាកលវិទ្យាល័យអង្គរ ដើម្បីចូលរួមចំណែកអភិវឌ្ឍសង្គមជាតិ និងអន្តរជាតិ។

បេសកកម្ម            

ដើម្បីសម្រចបាននូវឧត្តមភាពនៃការស្រាវជ្រាវ មជ្ឈមណ្ឌលស្រាវជ្រាវដើម្បីឧត្តមភាព និងនវានុវត្តន៍ត្រូវ៖

• រៀបចំការស្រាវជ្រាវសម្រាប់អភិវឌ្ឍសាកលវិទ្យាល័យ
• បង្កើតវប្បធម៌ស្រាវជ្រាវ និងអំណាន
• ធ្វើទំនើបកម្ម និងនវានុវត្តភាពឯកសារសម្រាប់ស្រាវជ្រាវ
• បោះពុម្ព និងផ្សព្វផ្សាយដល់អ្នកស្រាវជ្រាវ និងអ្នកអាន។

គោលបំណង

គោលបំណងនៃការបង្កើតមជ្ឈមណ្ឌលស្រាវជ្រាវដើម្បីឧត្តមភាព និងនវានុវត្តន៍នេះឡើងមានដូចតទៅ៖

• ការបង្កើតគោលនយោបាយស្រាវជ្រាវ ផែនការ សកម្មភាព ការកំណត់តួនាទី ភារកិច្ច និងទំនួលខុសត្រូវរបស់ គណៈកម្មាធិការស្រាវជ្រាវ ការបង្កើនសមត្ថភាព និងបទពិសោធន៍ជាប់គ្នារបស់គណៈកម្មាធិការ ដើម្បីឆ្លើយតបនឹងគម្រោងស្រាវជ្រាវនីមួយៗ ការពិនិត្យ និងវាយតម្លៃអំពីនិរន្តរភាពនៃមជ្ឈមណ្ឌលស្រាវជ្រាវ និងការទាក់ទាញគម្រោងមូលនិធិស្រាវជ្រាវ និងនវានុវត្តន៍។
• ការបង្កើតវេទិការប្រកួតប្រជែងស្នាដៃស្រាវជ្រាវ ការផ្តល់ប័ណ្ណសរសើរ រង្វាន់ ឬពិន្ទុស្របតាមលក្ខណៈវិនិច្ឆ័យ របស់មជ្ឈមណ្ឌលស្រាវជ្រាវ។ ក្រៅពីនេះ គឺផ្តោតលើការស្រាវជ្រាវពីវិធីសាស្រ្តសិក្សា ការបង្រៀនពីចម្ងាយ និងការបង្រៀនតាមរយៈគ្រឿងអេឡិចត្រូនិក ការស្រាវជ្រាវអំពីលទ្ធផលបញ្ចប់ការសិក្សាគ្រប់កម្រិត គ្រប់ជំនាញ និងការស្រាវជ្រាវពីតម្រូវការទីផ្សារការងារប្រចាំឆ្នាំនៅក្នុងខេត្ត និងក្នុងប្រទេស។
• ការអភិវឌ្ឍស្នាដៃអត្ថបទស្រាវជ្រាវស្របតាមបរិបទឌីជីថល។
• ការជម្រុញការបោះពុម្ភគម្រោងលទ្ធផលស្រាវជ្រាវគ្រប់កម្រិត គ្រប់ជំនាញតាមរយៈសិក្ខាសាលា សន្និសីទ របាយការណ៍/ព្រឹត្តិប័ត្រ គេហទំព័រ វឹបសាយ មេសិនជឺរ និងបណ្ណាល័យនានា 

តម្លៃស្នូល/គុណតម្លៃ

• ពិពិធកម្ម សំដៅដល់ការអភិវឌ្ឍគោលនយោបាយស្រាវជ្រាវ ផែនការ សកម្មភាព ការបង្កើនសមត្ថភាពអ្នកស្រាវជ្រាវ ការពិនិត្យ និងវាយតម្លៃអំពីនិរន្តរភាពនៃការស្រាវជ្រាវ និងនវានុវត្តន៍។  
• សុភាវធម៌ សំដៅដល់ការផ្តល់តម្លៃលើការបំផុសគំនិត ការចូលរួមប្រកួតប្រជែងស្នាដៃស្រាវជ្រាវ ការស្រាវជ្រាវពីវិធីសាស្រ្តសិក្សា ការបង្រៀនពីចម្ងាយ និងការបង្រៀនតាមរយៈគ្រឿងអេឡិចត្រូនិក ការស្រាវជ្រាវអំពីលទ្ធផលបញ្ចប់ការសិក្សាគ្រប់កម្រិត គ្រប់ជំនាញ និងការស្រាវជ្រាវពីតម្រូវការទីផ្សារការងារប្រចាំឆ្នាំនៅក្នុងខេត្ត និងក្នុងប្រទេស។
• នវានុវត្តន៍ សំដៅដល់ការជំរុញឲ្យមានគំនិតច្នៃប្រឌិត ភាពបត់បែន និងរបកគំហើញថ្មីៗដើម្បីទុកជាស្នាដៃក្នុងអត្ថបទស្រាវជ្រាវស្របតាមបរិបទឌីជីថល។
• ទំនាក់ទំនង សំដៅដល់ការបង្កើន និងលើកទឹកចិត្តក្នុងការភ្ជាប់ទំនាក់ទំនងជាមួយដៃគូជាតិ និងអន្តរជាតិ ដើម្បីគាំទ្រដល់ការបោះពុម្ភគម្រោងលទ្ធផលស្រាវជ្រាវគ្រប់កម្រិត គ្រប់ជំនាញតាមរយៈសិក្ខាសាលា សន្និសីទ របាយការណ៍/ព្រឹត្តិប័ត្រ គេហទំព័រ វឹបសាយ មេសិនជឺរ និងបណ្ណាល័យនានា។

សមាជិកក្រុមប្រឹក្សាភិបាល

សមាជិក០៩ រូប មានបង្ហាញដូចខាងក្រោម៖​

• ប្រធាន                    ០១ រូប     សាកលវិទ្យាធិការជាប្រធានកិត្តិយសរបស់មជ្ឈមណ្ឌល
• អនុប្រធាន              ០១ រូប     តំណាងសាកលវិទ្យាល័យ  
• សមាជិកអចិន្រ្តៃយ៍   ០១ រូប     នាយកមជ្ឈមណ្ឌល
• សមាជិក                  ០២ រូប     តំណាងមជ្ឈដ្ឋានអ្នកស្រាវជ្រាវ
• សមាជិក                  ០២ រូប     តំណាងមជ្ឈដ្ឋានអ្នកសិក្សា
• សមាជិក                  ០១ រូប     តំណាងមជ្ឈដ្ឋានសាស្រ្តាចារ្យ
• សមាជិក                  ០១ រូប     តំណាងមជ្ឈដ្ឋានពាណិជ្ជករ 

គណៈកម្មការប្រតិបត្តិ

នាយក នាយករង លេខាធិការ និងលេខាធិការរងទទួលបន្ទុក

• ប្រធានគណៈកម្មការប្រតិបត្តិ              ០១ រូប នាយក
• អនុប្រធានគណៈកម្មការប្រតិបត្តិ        ០១ រូប នាយករង
• លេខាធិការ                                        ០១ រូប ទទួលបន្ទុកការងារបច្ចេកទេស
• លេខាធិការរង                                    ០១ រូប ទទួលបន្ទុករដ្ឋបាល និងហិរញ្ញវត្ថុ
• លេខាធិការរង                                    ០១ រូប ទទួលបន្ទុកទំនាក់ទំនង
• លេខាធិការរង                                    ០១ រូប ទទួលបន្ទុកព័ត៌មានវិទ្យា