សាកលវិទ្យាល័យអង្គរ(ស.អ.) មានដំណើរការស្របតាមអភិបាលកិច្ចនិងគោលការណ៍គ្រប់គ្រង ហើយមានថ្នាក់ដឹកនាំប្រតិបត្តិដូចទៅ/Angkor University operates in accordance with the Governance and Administration Policy, and has the following Management៖ 

១. សាកលវិទ្យាធិការ Rector

​​​សាកលវិទ្យាធិការជាតំណែងកំពូលក្នុងការដឹកនាំ ប្រតិបត្តិ ដើម្បីធានាគុណភាព និងភាពរឹងមាំរបស់ ស.អ. ហើយត្រូវបានតែងតាំងដោយសេចក្ដីសម្រេចលេខ ៤០៦/១៨ ចុះថ្ងៃទី២៧ ខែធ្នូ ឆ្នាំ២០១៨។​ សាកលវិទ្យាធិការមានភារកិច្ចដូចខាងក្រោម ៖

• ពង្រឹងការគ្រប់គ្រង និងដឹកនាំ ស.អ.
• ធានាគុណភាពអប់រំ និងបណ្ដុះបណ្ដាល
• ដឹកនាំការស្រាវជ្រាវ និងអភិវឌ្ឍន៍
• ចាត់ចែងកិច្ចការទំនាក់ទំនងជាមួយដៃគូជាតិ និងអន្តរជាតិ
• ដឹកនាំចាត់ចែងក្នុងការទទួលស្គាល់គុណភាពអប់រំថ្នាក់ជាតិ និងអន្តរជាតិ
• ផ្ដួចផ្ដើម និងដឹកនាំរៀបចំផែនការយុទ្ធសាស្ដ្រសម្រាប់អភិវឌ្ឍ ស.អ.
• ជ្រើសរើសនិស្សិតចូលរៀនអនុលោមតាមការណែនាំរបស់ អយក. និង សខល
• រៀបចំរបាយការណ៍រាល់សកម្មភាពសិក្សាជូន អយក. សខល និងអាជ្ញាធរមានសមត្ថកិច្ចដែលពាក់ព័ន្ធតាមរយៈកិច្ចព្រមព្រៀងក្នុងអនុស្សរណៈយោគយល់
• គោរព និង អនុវត្ដតាមសេចក្ដីណែនាំនិងបទដ្ឋានដែលពាក់ព័ន្ធនឹងការងារបណ្តុះបណ្ដាលរបស់ អយក. និង សខល ព្រមទាំងគោលនយោបាយជាតិសំដៅដល់ការធានាគុណភាពអប់រំ
• ទទួលបន្ទុកអនុវត្ដសេចក្ដីសម្រេចទាំងឡាយរបស់ ស.អ. ព្រមទាំងដាក់ឱ្យដំណើរការនូវគោលនយោបាយដែលបានដាក់ឱ្យប្រើប្រាស់
• ដឹកនាំអង្គប្រជុំរបស់គណៈប្រតិបត្ដិ ព្រមទាំងអង្គប្រជុំនានានៅក្នុង ស.អ.
• រៀបចំផែនការ និងរបាយការណ៍ប្រចាំត្រីមាស ឆមាស និងឆ្នាំ ហើយដាក់ជូនក្រុមប្រឹក្សាភិបាល ពិនិត្យ
• សម្រេចលើការលើកទឹកចិត្ត និងវិធានការរដ្ឋបាលចំពោះបុគ្គលិកអប់រំ និងនិស្សិត
• ស្នើសុំតែងតាំង ផ្លាស់ប្ដូរសាកលវិទ្យាធិការរងទៅ ក.ស.អ.
• ជ្រើសរើស តែងតាំង ដកហូត និងផ្លាស់ប្ដូរបុគ្គលិកអប់រំនិងនិស្សិតទាំងអស់របស់ ស.អ.។

​ប្រវត្តិរូបសង្ខេប /Biography

ហត្ថលេខា/ Signature

២. ទីប្រឹក្សាសាកលវិទ្យាធិការ/Advisory Board

​ស.អ. មានឧត្តមទីប្រឹក្សាចំនួន ២រូប គឺឯកឧត្ដម បណ្ឌិតសភាចារ្យ ហ៊ីង ថូរ៉ាក់ស៊ី (H.E. Prof. Dr. Hing Thoraxy, Academician៖ យោងសេចក្ដីសម្រេចលេខ ០១៤៧/២១ ស.អ. ចុះថ្ងៃទី២៩ ខែមីនា ឆ្នាំ២០២១ ជាឧត្តមទីប្រឹក្សាទទួលបន្ទុកក្របខ័ណ្ឌអប់រំ/ The Supreme Advisor in charge of giving advice to Academic Affair) និង សាស្ត្រាចារ្យមហាបរិញ្ញា
យ៉ៃ ចន្ទនា (Prof. Dr. med. Yay Chantana ៖ យោងតាមសេចក្ដីសម្រេចលេខ ០១៤៨/២១ ស.អ. ចុះថ្ងៃទី២៩ ខែមីនា ឆ្នាំ២០២១ ជាឧត្តមទីប្រឹក្សាទទួលបន្ទុកក្របខ័ណ្ឌសុខាភិបាល/ The Supreme Advisor in charge of giving advice to Health Affair)ដែលផ្ដល់យោបល់ដូចតទៅ៖

• ការគ្រប់គ្រង និងដឹកនាំ ស.អ.
• គុណភាពអប់រំ និងបណ្ដុះបណ្ដាល
• ការស្រាវជ្រាវ និងអភិវឌ្ឍន៍
• ការទំនាក់ទំនងជាតិ និងអន្តរជាតិ
• ការទទួលស្គាល់គុណភាពអប់រំថ្នាក់ជាតិ និងអន្តរជាតិ
• ការរៀបចំផែនការយុទ្ធសាស្ដ្រសម្រាប់អភិវឌ្ឍន៍ ស.អ.
• ការជ្រើសរើសនិស្សិតចូលរៀនអនុលោមតាមការណែនាំរបស់ អយក. និង សខល
• ការរៀបចំរបាយការណ៍រាល់សកម្មភាពសិក្សាជូន អយក. និង សខល និងអាជ្ញាធរមានសមត្ថកិច្ច ដែលពាក់ព័ន្ធតាមរយៈកិច្ចព្រមព្រៀងក្នុងអនុស្សរណៈយោគយល់
• ចូលរួមគោរព និងអនុវត្ដតាមសេចក្ដីការណែនាំ និងបទដ្ឋានដែលពាក់ព័ន្ធនឹងការងារ
• បណ្តុះបណ្ដាលរបស់ អយក. និង សខល ព្រមទាំងគោលនយោបាយជាតិសំដៅដល់ការធានាគុណភាពអប់រំ
• ទទួលបន្ទុកអនុវត្ដសេចក្ដីសម្រេចទាំងឡាយរបស់ ស.អ.
• ការលើកទឹកចិត្ត និងវិធានការរដ្ឋបាលចំពោះបុគ្គលិកអប់រំ និងនិស្សិត។

​៣. សាកលវិទ្យាធិការដ្ឋាន (ស.ដ្ឋាន) /Rectorate

ជាគណៈប្រតិបត្តិរបស់ ស.អ. ដែលសាកលវិទ្យាធិការជាប្រមុខ និងមានឋានៈជាអគ្គអភិបាល។ នៅក្នុងប្រការ១៥ នៃសេចក្ដីសម្រេចលេខ ០១៥៦-១/២១ ស្ដីពី អភិបាលកិច្ច និងគោលការណ៍គ្រប់គ្រង ស.ដ្ឋាន មានប្រព័ន្ធដឹកនាំ និងគ្រប់គ្រងដែលមានសមាសភាព  ដូចខាងក្រោម ៖

• សាកលវិទ្យាធិការ                                                       អគ្គអភិបាល
• សាកលវិទ្យាធិការរងមួយចំនួន                                      ​អគ្គអភិបាលរង
• តំណាងទីប្រឹក្សា                                                         អភិបាល
• តំណាងក្រុមប្រឹក្សានានា (លើកលែងតែ ក.ស.អ.)           អភិបាល
• តំណាងគណៈកម្មការនានា                                           អភិបាល
• តំណាងមហាវិទ្យាល័យ/វិទ្យាស្ថាន                                  អភិបាល
• តំណាងដេប៉ាតឺម៉ង់                                                      អភិបាល
• តំណាងអង្គភាពចំណុះ/ការិយាល័យសេនាធិការ               អភិបាល
• តំណាងក្រុមជំនួយការសាកលវិទ្យាធិការ                          លេខ

ហើយមានតួនាទីដូចតទៅ ៖

• ដឹកនាំនិងគ្រប់គ្រង ព្រមទាំងជាតំណាងពេញសិទ្ធិរបស់ ស.អ.
• រៀបចំផែនការយុទ្ធសាស្រ្តរបស់ ស.អ.
  • ផ្តួចផ្តើម ព្រាងផែនការយុទ្ធសាស្រ្ត និង
  • រៀបចំសំណើសុំការអនុម័តទៅ ក.ស.អ.
• រៀបចំ និងអនុម័តផែនការប្រតិបត្តិរបស់ ស.អ.
• តែងតាំងនិងបញ្ចប់កិច្ចសន្យាការងាររបស់ប្រធានអង្គភាពចំណុះ/ការិយាល័យសេនាធិការ
• ចុះអនុស្សរណៈជាមួយអង្គភាពដៃគូជាតិ និងអន្តរជាតិ
• ដាក់ការងារជូនប្រធានអង្គភាពចំណុះ/ការិយាល័យសេនាធិការ
• បង្កើត និងអនុម័តបទប្បញ្ញតិនានារបស់ ស.អ.
• រៀបចំរបាយការណ៍លទ្ធផលការងារប្រចាំខែ/ត្រីមាស/ឆមាស/ឆ្នាំ ពាក់កណ្តាលនិងចុងអាណត្តិ នៃយុទ្ធសាស្រ្តដែលបានដាក់ចេញ
• វាយតម្លៃលទ្ធផលការងារប្រចាំឆមាស/ឆ្នាំ ពាក់កណ្តាលនិងចុងអាណត្តិនៃយុទ្ធសាស្រ្តដែលបានដាក់ចេញ។