សាកលវិទ្យាល័យអង្គរ(ស.អ.) 

ស.អ. ជាមជ្ឈមណ្ឌលសិក្សាអប់រំដ៏ធំមួយ នៅក្នុងខេត្តសៀមរាបដែលមានទំហំផ្ទៃដី ១៥ ពាន់ម៉ែត្រការ៉េ ក្នុងនោះរួមមាន អគារសិក្សាស្រាវជ្រាវនិងអនុវត្តន៍ បង្ហាញត្រាប ស្ទូឌីអូ ការិយាល័យការងារ បណ្ណាល័យ អន្តេវាសិកដ្ឋាន ចំណតយានជំនិះ តារាងកីឡា និងអាហារដ្ឋាន។ ក្រៅពីនេះ ស.អ. មានបណ្ដុះបណ្ដាលនិស្សិតកម្រិតបរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់នៅលើមុខជំនាញចំនួន ០៨ ​ដែលមាននិស្សិតកំពុងសិក្សាចំនួន  ៨០៨ រូប ក្នុងនោះមហាវិទ្យាល័យសុខភាពសាធារណៈ (ម.ស.ស) ចំនួន ៥០៤ រូប មហាវិទ្យាល័យវិស្វកម្មនិងស្ថាបត្យកម្ម (ម.វ.ស) ចំនួន ៨៣ រូប មហាវិទ្យាល័យគ្រប់គ្រងពាណិជ្ជកម្មនិងទេសចរណ៍ (ម.គ.ព.ទ) ចំនួន ៩៦ រូប មហាវិទ្យាល័យវិទ្យាសាស្រ្ដនិងបច្ចេកវិទ្យា (ម.វ.ប) ចំនួន ២០រូប មហាវិទ្យាល័យមនុស្សសាស្រ្ដនិងភាសាបរទេស (ម.ម.ភ)ចំនួន ០៥រូប ថ្នាក់ឆ្នាំសិក្សាមូលដ្ឋាន (ឆ.ម) ចំនួន ១០០ រូប។